أجمل النكت المصرية 2011

واحد بيقول لمراتة انا كسبت مليون جنية جهزى شنطتك بسرعة قالتلو طيب اخد الهدوم الصيفى والشتوى ؟؟ قالها خدى اللى تاخدية المهم ارجع البيت ملاقكيش

ببياع في القطر لما بينادي  بيقول ايه ؟ : صلى على رسول الله ، لا بنشحت و لا بنقول لله  ، معايا اللبان و اللي ما بانش ، معايا اللباس و اللي ما باسش ، معايا أستك ياباني تمطه يرجع لك تاني ، معايا فلاية تطلع لك القملاية و تقولك دكر و لا نتاية ، معايا طبق صيني ما ينكسرش ، اللي يكسر واحد أطلع له ربع جنيه ، اللي يكسر اتنين اطلع له نص جنيه ، اللي يكسر التالت اطلع تلاتة ديك امه

الصحفي: وحضرتك إزاي بتعرف إذا كان المريض مجنون فعلا ولا مجرد تعبان نفسيا
الدكتور: بنعمله إختبار البانيو
الصحفي: واللي هو ؟
الدكتور: بنملى البانيو ميّه على آخره … وندي المريض معلقة وكوباية وجردل … وبنقوله فضيلنا البانيو ده من الميّة
الصحفي: وطبعا لو استخدم المعلقة أو الكوباية يبقي مجنون لإنه المفروض يستخدم الجردل
الدكتور: مممم … هو عامة، العاقل حيرمي ده كله ويشيل سدادة البانيو … تحب اوضتك على الشارع ولا بتبص على الجنينة ؟؟

تم طرح مناقصة لصيانة سور البيت الابيض
تقدم 3مقاولين امريكاني و مكسيكي و مصرى للمناقصة
الامريكاني اخد مقاسات السور و تقدم بسعر 900 دولار
سأله مسئول البيت الابيض: ليه 900 دولار
قال : 400 دولار خامات+ 400 دولار عمالة و 100 دولار مكسب
و المكسيكي اخد مقاسات السور و تقدم ب 700 دولار للمناقصة
لما سأله قال: 300 دولار خامات+ 300 دولار عمالة و 100 دولار مكسب
أما المصرى فراح من غير ماياخد أي مقاسات و قال للمسئول: أنا هاخد 2700 دولار في الحوار دة
المسئول رد علية و قالة: ليه يا عم كل ده
رد علية المصرى و قالة: 1000 دولار ليا و 1000 دولار ليك و نجيب المكسيكي يعمل الشغلانة بـ 700 دولار

صعيدي عايز يروح حفله تنكريه بعت أخوه .

في واحد راح يستقبل ابن عمه في المطار المهم وهم راجعين من المطار بيسأله: انت بقا لك عشر سنين في أمريكا… كنت بتدرس ايه؟
رد عليه ابن عمه : كنت بدرس علم المنطق
قاله : ايه هو علم المنطق؟
رد عليه:صعب اللي درسته فى عشر سنوات اشرحهولك فى ساعه بس انا هاديك مثال على المنطق.
قاله : اوكي
سأله ابو المنطق : انتوا عندكم كلب في البيت صح؟
رد عليه: ايوة عندنا
قاله: ادام عندكم كلب اكيد انكم عاملين له بيت فى الحوش
رد عليه: صح عاملين
قاله : مادام انه عندكم حوش اكيد انكم عايشين في فيلا
رد عليه: صح إحنا عايشين في فيلا مدام انكمعايشين في فيلا اكيد ان ابوك غني
رد عليه:صح ابويا غني
قاله: مدام انه ابوك غني اكيد ان امك تقعد في البيت يعنى مش محتاجه تشتغل رقاصة عشان تجيب فلوس
رد عليه: صحيح امي قاعدة في البيت
قاله : هذا هو المنطق , انك تبني شيء علي شيء من وجود الكلب في بيتكم استنتجنا ان امك مش رقاصة
ردعليه :ياااااااااااا هو ده المنطق؟
المهم …. صاحبنا راح عند صحابه باليل وحب
يتفلسف عليهم
وسالهم ياشباب تعرفون ايه هو المنطق ؟
رد واحد لا والله ما نعرفش
قال : انا اقلكم ، سأل صاحبه: انتوا عندكم كلب في البيت ؟
رد عليه صاحبه : لا ما عندناش ، قاله : تبقى امك رقاصة

إتصلت سيدة بالشرطة عشان تشتكي ابن الجيران الذي بيتحرش بها .
جاء الشرطي ليتأكد من البلاغ :
ــ ايه يا ستي المشكلة ؟
ــ ابن الجيران يا باشا بيبص عليا وهو عريان كل ما اطلع انشر الغسيل فوق السطوح .
فطلع معها فوق السطح ليعاين بنفسه .
ــ فين يا ستي ؟
ــ اطلع فوق البرميل ده يا باشا وبعدين بص في الخرم اللي في الحيطة ده وانت تشوف سفالته !

مره واحده بتقول لجوزها “تصدق إن أنا كل يوم بحلم بيوم جوازنا” قالها “هى لسه الكوابيس دي بتجيلك

واحدة وحشة أشترت برفان  أبوها قال لها: ده رجالى  قالت له: هايبقى لاهما ولا ريحتهم

واحد اشترى موبايل و عاوز يعمل لمراته مفاجأة فدخل الحمام و أخده معاه و اتصل بيها و …. قالها  ألو يا حبيبيتي ثواني و أكون معاكي قالتله لأ ماتجيش دلوقتي جوزي في الحمام

صعيدي نزل مصر هو وابنه ومراته ابنه شاف الاتوبيس قال ابويا ايه ده قاله ابوه مخابرش شاف الميكروباس ساله ابويا ايه ده قاله مخابرش امه زعقت للواد وقالتله بطل دوشه شخط فيها جوزها وقال لها يا وليه سيبي الولد يتعلم

صعيدي في فندق حب يدخل الحمام سال واحده في ودنها التلاويت (تواليت) منين ؟ قالت له من الناحيه التانيه راح لودنها الثانيه وقال التلاويت منين ؟؟؟

في فلاح كل ما يحط حشيش للبقرة بتاكلو الفرخة ..  قالها:  شوفي يا زفتة لو إذا أكلتي الحشيش مرة تانية هانتف ريشك و هحطك بالقفص؛  فهمتي .. راحت الفرخة واكلت الحشيش فنتف الفلاح ريشها و حبسها شافها الديك عريانة بالققص سألها: دعارة؟؟    ردت عليه: لأ ، حشيش

واحد بلدياتنا بيتخانق مع واحد فضربه على وشه فقاله ليه ما قفايا موجود

حشاش سايق إسعاف في الحرب ناقل 35 قتيل،سمع في الراديو سقوط 30 قتيل، وقف وفتح الباب وقال: الخمسة اللي بيستهبلو ينزلوا حالا

مره محامي فافي اوي كان بيدافع عن واحد اسمه محمد في تهمة قتل ، فراح للقاضي وقاله هاي قاضي ، القاضي : هاي ، المحامي : انت شوفت محمد وهو بيقتل يا قاضي ، القاضي : لا ، المحامي : كوبه يا قاضي يلا يا حمو 

اتنين رخمين اوي اتحكم عليهم بالاعدام فسألو الاول نفسك في ايه قال نفسي اشوف امي وبعدين سألو التاني نفسك في ايه قالهم نفسي متخلوهوش يشوف امه

وادة بتقول لزوجها لو ما كنتش رضيت اتزوجك كانت حياتك بقت فاضيه قالها :ايوه بس محفظتي كانت حتبقى مليانه

واحد سباك راح للدكتور (يكشف للمراته):الدكتور ال مراته الحوض مكسور ال له مش المهم الحنفيه شغاله

مرة واحد بيسأل مراته انتى بتحبينى اد ايه قالتله اد ما انت بتحبنى قالها وليه كده انا عملتلك حاجه لاسمح الله

واحد متجوز وقاعد في البيت وبيبص كتير في عقد الزواج، مراته قالت له بتبص في عقد الزواج ليه يا حبيبي؟” قالها بدور عن تاريخ إنتهاء العقد.

واحد راكب عربية هو مراته وسايق على 180، عربية البوليس وقفته ونزل الظابط يكلمه. الرجل: ايه المشكلة؟ الظابط: انت كنت سايق على 180 والسرعة المسموحة هنا 60 بس.  ،الرجل:لا معلش انا كنت معدي الـ 60 بشوية ، مراته: لاانت كنت ماشي على الاقل على 200.  ، الرجل بص لمراته بحقد ، الظابط: كمان الفانوس اللى ورا مكسور.  الرجل: مكسور! والله ما شفته ، مراته: حرام عليك .. انت كنت عارف انه مكسور من كام اسبوع.  ، الرجل بص لمراته بحقد ، الظابط: كمان مكنتش رابط حزام الأمان ، الرجل: لأ كنت رابطه بس فكيته لما وقفت ، مراته: لالال اانت عمرك ما ربطت حزام الامان ، الرجل التفت لمراته وزعق فيها: انتي ماتعرفيش تسكتي ابدا؟ الظابط سأل مراته: لو سمحتي يا مدام هو دايما يصرخ كدا؟ مراته: لأ لما بيكون سكران بس .

مدرس رياضيات اتجوز مدرسة رياضيات خلفوا ولد شبه منحرف وبنت دايره على حل شعرها

واحد بيقول لمراته … أنا النهاردة عايز رومانسية في البيت … راحت الزوجة سألت أمها يعنى إيه رومانسية ؟؟ الأم مش عارفة بس احتياطى إبقي إنقعى الرز

مرة واحد قهوجي اشترى عربية طلع كراسيها بره

فيه واحد أهبل ضرب عياله؟ ليــه ..؟ لقاهم مشغلين المروحة على ثلاثة وهم اثنيين..